झापामा एक जिल्ला एक उत्पादन अन्तर्गत झोला बनाउने कार्यक्रम उद्घाटन

एक जिल्ला एक उत्पादन कार्यक्रम अन्तर्गत झापामा झोला बनाउने कार्यक्रम सञ्चालन गरिएको छ । घरेलु तथा साना उधोग कार्यालय झापाको आयोजनामा अर्जुनधारा ११ र मेचीनगर १२ मा झोला बनाउने कार्यक्रम शुरु गरिएको हो । दुवै ठाउँको कार्यक्रम बिहीवार उद्घाटन भएकाे हाे । माघ १३ देखी सुरु भएकाे उक्त एक महिने तालिमकाे जिल्ला समन्वय समिति झापाका प्रमुख सोमनाथ पोर्तेलले उद्घाटन गर्नु भएकाे हाे ।

१० लाख रुपैयाँ बजेटमा दुई ठाउँ कार्यक्रम आयोजना गरिएको घरेलुका प्रमुख अधिकारीले जानकारी दिनु भयाे । अधिकारीका अनुसार झोला सिलाउने मेसिन, आवश्यक प्राविधिक सामग्री र झोला बनाउने कच्चा पदार्थ समेत प्रदान गरिएको छ ।